今時今日，係「識人好過識字」嘅年代。打工仔想成功，真係好靠Networking嘅工夫。喺新嘅一年，好好學吓做自己嘅公關，除了保持微笑同眼神接觸外，有外國職場專欄列出不同嘅Social小技巧，簡單易學，快啲學幾招旁身啦。
1. 笑臉展熱情
笑容可掬嘅人，可以展現出一啲熱情和活力，散發一種讓人感到溫暖嘅力量，令身邊嘅人自然地想靠近。
2. 手機放袋中
無論開會定係聚餐場合，幾無聊都好，別顧著睇手機，而是多望望身邊嘅人，同佢哋打招呼或交流一下，這是基本禮貌。應該無人想跟一個掛住望手機、唔關心自己嘅人，去分享自己嘅事吧。
3. 很Firm地握手
特別係初次見面，應該同對方來個力度適中嘅握手，有研究指很Firm的握手，可給對方留下好印象。
4. 叫對方名字
初次見面很難做到，但若有機會再遇對方，又能叫出其名字，對方心情多數很好，皆因覺得自己受重視，對你嘅印象也必定很深刻。若不幸有認人或記名字障礙，唯有勤力背誦惡補了。
5. 聆聽並回應
人人都愛自說自話，所以聆聽者嘅角色，多數很討人喜歡。但只有細心聆聽並唔夠，之後還要回應一下，俾對方知道你真係有聽他講嘢，而唔係發緊呆。
6. 大方接受讚美
要學習大方接受別人嘅稱讚，因為表現太過謙虛或唔自在，容易令人誤會你性格自我，有啲難相處；相反地，簡單回答一句「Thanks, you too」，顯得自信又大方。
7. 讚人不吝嗇
無人唔鍾意俾人讚，所以從讚賞對方長處打開話匣子，讓對方開心一下，毫無壞處。但要小心，過度讚美容易變得虛偽，或被視作阿諛奉承，容易帶來反效果。
8. 別投訴抱怨
聊天內容很自由，但有啲話題，如對公司嘅抱怨或投訴，喺Social時攞出來講就不太適合。只因你釋出嘅負能量，或會令到對方不自在，唔會想再同你傾落去。
來源：BI
No comments:
Post a Comment