新年新開始，想開工大吉，做事有效率，唔要晚晚OT，就要下定決心，戒掉一切辦工陋習。有外國職場網站列出打工仔常見嘅壞習慣，一齊睇睇自己中咗幾多項。
1.邊工作邊上網
開工上網搵資料，誘惑極多，一個唔留神，就會被其他事情吸引住，唔記得原本嘅工作。因此，上網之前，可先列好一堆需要搵嘅資料，凡與列表無關嘅東西，一律唔睇。
2. 花時間去「計劃」
對工作有所計劃，係一件好事，但花4、5個小時去「計劃」一個小工作，就有點Over了。很多時候，計劃趕不上變化，概括計劃一下，到時再隨機應變便可，效果可能會更好。
3. 成日叫人開會
有用嘅會，會提供清晰流程和討論議題，開1、2次已很足夠；至於無用嘅會，就算開足十次廿次，也只會無功而還，浪費光陰。
4. 「唔夠時間做」掛嘴邊
人總愛把「唔夠時間做」掛在嘴邊，若把時間以「小時」或「日」作單位。比起講話只剩一星期，尚餘7日或168個小時，更加正面。
5. 鬧鐘常按Snooze賴床
一覺醒來，身體會分泌出一啲荷爾蒙，讓人有足夠活力迎接新嘅一天。所以賴床瞓多幾分鐘，並唔會令你精神啲，反而身體會減慢荷爾蒙釋出嘅過程，得不償失。
6. 不懂休息工作狂
只知工作，不懂休息嘅人，是無法維持有水準嘅表現。因為唔夠瞓會影響大腦活力，喺緊張關頭無法好好思考，隨時愈做愈亂，故此「適時休息者」為俊傑。
7. 手機習慣放枕邊
LED螢光幕釋出「藍光」，有研究指可損害視覺，並抑制「睡眠荷爾蒙」褪黑激素（Melatonin），讓人易有抑鬱。試問若一個人情緒不穩，如何專心工作呢？
8. 不愛吃早餐
平時人際關係差，可能因為空肚開工，對腸胃唔好之餘，並可能致血糖低，令人做事較難集中，並且易攰及變得敏感。情緒起伏咁大，誰願意接近你？
9. 重要事情拖到最後
有研究指，人嘅意志力會隨時間徐徐下降。故有重要工作，務必先安排做妥，否則拖吓拖吓，放工都未開始做，最終要OT，到頭來還是辛苦了自己。
10. 成日顧住覆電郵
之前已有有篇幅提過，成日顧住查閱電郵好浪費時間。公司電郵永遠唔會有覆完的一日，所以別固執下去，如非緊急文件，最好喺特定時間查閱為妙。
11. Lunch貪方便食快餐
午餐同樣不可輕視，倘若食埋啲高脂、高糖快餐食物，會令你整個下午睡意甚濃。未到3點3，個人已經無乜能量咁，畀老細見到呢啲情況，真係水洗都唔清。
12. 一心多用
有科學實驗證明，僅得2%嘅人才能真正有效地駕馭Multitasking。一般嘅凡人打工仔，唯有每次專心一致做一件事，才能減少你分心及出錯機會。
13. 無時間做運動
有研究話定期做運動，有助提升集中力、記憶力和減壓等，令工作更具效率；朝早和下午時間做運動，能提升人嘅睡眠質素。
來源：BI
No comments:
Post a Comment