大部分西人，係唔會明「add oil」為何物，佢哋可能會隊支沙律油畀你，或者問你係咪要去油站入油，但多數唔會明你係想祝佢有好表現，除非佢本身對中文有興趣。
「加油」喺中文裡面係一個好濫嘅字，除咗祝福對方有好表現，亦可以用嚟安慰情緒低落嘅朋友。如果係想祝對方喺考試或比賽中順利，都可以講「break a leg」，但要注意呢句嘢本來淨係用嚟對舞台表演者講，就算依家尚算普及，都仍有部分人覺得怪，並無大家想像中咁常見。
最常見嘅合適說法，就係「good luck」，其次就係「all the best」，但嚴格而言呢句嘢係解「祝你好運」，同叫人「全力以赴」嘅意思有分別。真係想講「加把勁」，就要講「go for it」、「go get'em (tiger)」或「do your best」，前兩句較適合競技時用，最後嗰句嘅可用範圍則較廣。
至於安慰朋友時，「加油」大意係「唔好灰心」，以上種種說法都唔適用，所以要講「cheer up」、「forget about it」或「things happen」之類。
例句：
A: Hey, you've entered this contest too? Good luck!（咦你都有參加呢個比賽呀？加油喎！）
B: I've already lost.（我輸咗哪。）
A: Oh. Cheer up then, things happen.（哦，咁唔好灰心啦，勝敗乃兵家常事。）
「加油」喺中文裡面係一個好濫嘅字，除咗祝福對方有好表現，亦可以用嚟安慰情緒低落嘅朋友。如果係想祝對方喺考試或比賽中順利，都可以講「break a leg」，但要注意呢句嘢本來淨係用嚟對舞台表演者講，就算依家尚算普及，都仍有部分人覺得怪，並無大家想像中咁常見。
最常見嘅合適說法，就係「good luck」，其次就係「all the best」，但嚴格而言呢句嘢係解「祝你好運」，同叫人「全力以赴」嘅意思有分別。真係想講「加把勁」，就要講「go for it」、「go get'em (tiger)」或「do your best」，前兩句較適合競技時用，最後嗰句嘅可用範圍則較廣。
至於安慰朋友時，「加油」大意係「唔好灰心」，以上種種說法都唔適用，所以要講「cheer up」、「forget about it」或「things happen」之類。
例句：
A: Hey, you've entered this contest too? Good luck!（咦你都有參加呢個比賽呀？加油喎！）
B: I've already lost.（我輸咗哪。）
A: Oh. Cheer up then, things happen.（哦，咁唔好灰心啦，勝敗乃兵家常事。）
No comments:
Post a Comment