美國老麥經營者：我們可能完蛋了

http://centralmarket.tumblr.com/post/124630838605/cnn-not-loving-it

原來早前CNN以 “Not loving it: McDonald’s franchisees are depressed"為題，展開咗一個關於老麥特許經營者嘅調查，調查入面29位經營者，各自講下面對緊咩挑戰，有人就抱怨「 菜單上沒有一樣東西會讓我們的顧客興奮」，有人甚至話：「 我們可能完蛋了。」

目前全美國有超過 3000間加盟店，到底，老麥發生咩嘢事呢？

文中歸納咗幾點，香港其實都可以參考下。因為外國近年唔少餐廳都要走健康路線，加上廉價快餐市場唔少新競爭對手加入，夾係中間嘅麥當勞，其實定位都幾尷尬。

今年初上任個CEO話要改革，仲搞埋推出三文治（三明治），但訊息都係唔清唔楚。 今次調查，經營者正正就係抱怨呢一點，未能夠擺脫「便宜食物」嘅標籤。

第二亦係最重要嘅，係管理層同經營者嘅溝通。呢個問題，如果問香港搞加盟糖水鋪嘅老闆就一清二楚，溝通得唔好，真係會做死人﹗

最後就係工資問題喇，人工愈來愈貴，營業額又今日唔知聽日事，所以有當地老闆話：「大家都在擔心已經沒有任何人想買他們的餐廳。我推測未來會有很多大減價出售的情況。」咦，點解咁似香港嘅？

其實，嘅然老麥全球都搞緊外判同特許經營，但如果唔好好搞好上述問題，日後嘅手尾都幾長。
資料來源：CNN, 地球圖輯隊