從「垃圾」悟出的金句

 

【明報專訊】雖然賣「垃圾」，但郭先生早已從中凝煉出他的獨特智慧，平均數分鐘便爆出發人深省的金句，叫人啼笑皆非，我嘗試挑出他數個見解或故事。

金句1
「100萬元的東西，包括古董，沒人要，就是垃圾，我可以話這塊石頭值1億，問題是有無人買，不然我家的東西，容乜易值幾十億？」

金句2
「做古董的人，其實抵佢賺，嗰件嘢就算我畀錢你擺喺度，一年半載，價值可能已經蒸發掉，變相根本每個人都在賣古董，古董的定義是，一切都是古董，除了人是垃圾之外。」

金句3
「女仔都係一件古董啦，10歲無人要，18歲好多人要，28歲還有少少，30歲的，你要。係咪先？件古董你鍾意時，搶都要，不喜歡，就喺垃圾站見到。」

金句4
「有些人心地不好，丟件東西都不想益人，打爛佢。」

金句5
「啲人講笑，手袋點樣為之靚？我就話二手最靚，知唔知點解？唔靚嘅袋，唔會有人買，變成全新貨，被買下的，當然是因為當時人的覺得靚。」

金句6
「世界上的設計，無進步過，是物料退步了，變得愈來愈垃圾，件嘢其實無變。」

金句7
「很多人可能想一下玩件好的，但我覺得可由中間玩起，玩什麼其實都要交學費，當你買一件嘢，買件最好的，永遠都覺得有好多未玩過，走返轉頭，玩番佢。其實只是玩過程吧？」

金句8
「咩係古董？同一件貨，喺我度同喺中環擺，唔一樣，後者價值連城，一切都是租金的問題。有個客的太太同個客話，兩間屋，一間用嚟放『古董』，我唔知你啲垃圾值多少錢，但我知間屋值幾多百萬，你究竟擺的是垃圾抑或古董？」


「舊舖」位於中央圖書館旁、苟延殘喘的灣景商場裏