【東方日報專訊】藝員張美妮及安德尊等主持的無綫花車巡遊節目，大年初三於澳門舉行，但一行人收工往消夜時卻發生不愉快事件。
負責節目的體育科節目監製及製作主任李漢源的facebook甫文，指稱被食肆濫收費用，他說：「18人叫了16個餸（註：據單據顯示為15碟餸），飯店覺得我們人多要加大三倍，變了45個例牌，一隻雞，另新年加兩成服務費，對澳門的食店真反感。」
同場的安德尊指伙記自動將餸加大到三倍，但劇組發現「條數大晒」即問番伙記，又指好多餸其實冇三倍大，只得兩倍，見貨不對辦，他們其後的蔗汁啤酒都睇清楚價錢才落單。
張美妮昨日稱當日拍完已返港，得知劇組食得不開心都替他們不值。而李漢源則說：「都係呻吓啫，唔想搞港澳矛盾！問題係伙記冇事前同我講，其實唔使同我加大，我哋都係食消夜，怕太多嘥嘢！（計番平啲？）四千幾蚊，計平咗啲，不過係加二服務費，但新春期間要嘅！」
16餸變45例牌
今日李漢源在Facebook上載一張單據的照片，並留言「拍攝製作澳門花車巡遊節目，跟著食晚飯，18個人叫16個餸，飯店覺得我們人多要加大三倍，變了45個例牌，一隻雞，另新年加兩成服務費，對澳門的食（肆）反感。」據知情況係當晚食肆夥計佢哋人多，所以自動將餸菜加大至三倍，但事先冇問過李漢源一行人！
啤酒凍熱不同價
當晚飯局安德尊亦在場，據悉佢席間打算請大家飲庶汁，不過送來後大家得知一「jar」庶汁竟然要88蚊，所以叫一「jar」就算數。之後安德尊叫啤酒飲，夥計攞咗兩支啤酒過嚟時，表示係18蚊一枝，大夥兒認為價錢公道，都打算再叫。點知一攞上手先發現啤酒竟然係唔凍的！向夥計追問下先知道唔凍啤酒18蚊，而凍啤酒就要28蚊！最後眾人只係要一枝凍啤酒算。
唔通啤酒都可以好似奶茶咖啡咁，凍熱唔同價？
No comments:
Post a Comment