|
論盡澳門街
|
訊報
|
哲廬 / 許諾
2014-08-15 |
|
|
|
博彩職場黑色事件簿
|
|
|
|||
|
Ｂ先生 / 監場主任：我諗除警察消防員之外，無乜邊份工會做到「爆缸」、日日俾人問候屋企人咁大鑊，出邊人坐係冷氣房，又唔使吸二手煙，梗係唔知我辛苦成點。有人問我地為咩要嘈？我只係為爭取應得權益。
何小姐 / 監場主任：客成日賭輸錢就賴個荷搞到佢輸，又對住個荷吐痰，將籌碼、煙灰盅擲落個荷度，高層又唔理，淨係識叫個荷唔好報警。
陳先生 / 莊荷：客一輸錢就當我係殺父仇人咁鬧，咩粗口、問候阿爸阿媽都聽慣晒，做呢份工好似無晒尊嚴！
Ｃ先生 / 監場主任：試過有一次係貴賓廳，有個客賭輸錢，一枝叉飛埋去個莊荷度，插中佢個臀部，莊荷想報警，但係俾公司撳住話唔好追究，最後個客賠錢了事。
Ａ小姐 / 次級監場主任：試過俾客打，俾客恐嚇，我地唔敢報警，因為驚公司秋後算帳。( 有試過？）有，有次有個伙計比個客打，報警，公司之後就要求個伙計去做辛苦，迫佢走。亦都有荷俾人打完，公司仲要比封警告信佢簽，話佢工作態度唔好。
楊先生 / 監場主任：客輸錢發神經已經麻木晒！最激氣係自己公司既公關為「飲茶」，成日搞大件事。明明個客只係呻兩句，其實都無乜，佢地即係叫晒經理黎落簿、鬧你一場，出賣伙計、托大腳，只係為個客俾多貼士！
李先生 / 莊荷：你條數得唔得、牌例熟唔熟唔緊要，最緊要你笑容可掬，兩年照樣可以升做主任，佢只係企後面，反正有我荷、有舊人做，但我人工比佢差一截。
陳小姐 / 監場主任：我地要一份糧打兩份工，「閂」、結數本身係區域經理做，依加要我地做埋，但係四、五年都無得升職坐正。
謝小姐 / 莊荷：賭場計數精過鬼！員工茶錢同底薪分開計，係外邊同人講年年加人工，其實百分比只係加落底薪度，個5、6%根本收唔足！公積金、補假全部都只係計底薪，好鬼崇！
蔡先生 / 莊荷：公司評分制好唔公平，新人有無錯都唔可以俾太高分！你同上頭熟，十日病假都無問題；如果唔熟，就算一日假唔都無得升！
李先生 / 莊荷：而家賭場多競爭大，公司將客當神咁拜！明明規定每個鐘頭都會行鐘（休息），但個客賭開唔俾換人就無得走，有時人有三急都要死忍。個人無得休息梗係易出錯，到時做錯野又係鬧你！
周小姐 / 莊荷：話中場一半禁煙，根本係呃人！個客一喝就即刻個水樽過黎，禁煙區全部設係行人通道，搞到客食煙全部走晒黎賭檯邊，圍住我！好多同事有咽喉炎、鼻炎、心跳不穩，返工返到五癆七傷，賺幾多，睇醫生都要睇翻咁多！
何先生 / 次級監場主任：呢份辛苦工，做過就知痛。
|
|||
|
論盡澳門街
|
訊報
|
2014-08-15 |
|
|
|
 最令荷官吐血的10句說話 |
|
|
|
「娛樂場乜唔係可以任人摸（女仔）？我地大陸娛樂場得架喎！」
「個客輸咁多發洩下好應該。」
「你地派牌唔係賺3、4萬一個月咩？」
「叻既就唔駛做賭場！」
「怕煙就唔好係度做！」
「如果咁唔滿意，點解唔搵過第二份工？貪得無厭！」
「我就係鍾意投訴你！吹咩？」
「（賭檯上）殺！殺！殺！殺你全家！」
「（選舉前）自己老闆唔撐撐邊個？」
「可唔可以教我點贏錢？」
|
No comments:
Post a Comment