數白欖 - 撐粵語唱粵曲

粵語點樣好。
白欖有得數。
粵語陰陽分低高。
平聲仄聲都係寶。
單係粵語念唐詩。
順耳提神­又醒腦。
３４５填［未拍拖］。
睇詞就可唱出譜。
最妙冬懂凍督音。
督字考起外江佬。
中西­語言冇仄聲。
粵語仄聲多韻母。
有音有字最鏗鏘。
難得斯文又粗魯。
能雅能俗至風騷。
出言­生動笑攣肚。
粵語粵曲咁傳神。
千祈咪話佢老土。
好多粵曲既粉絲。
都係年輕唱到老。
個個­越唱越精神。
直情好過食藥補。
練聲練氣可養生。
駛乜鮮雞燉虫草。
你睇粵曲壽星多。
便知­粵曲點樣好。
你睇粵曲壽星多。
便知粵曲點樣好。