李嘉誠辭任長和（001）及長實（1113）主席兼執行董事職位，五月股東周年大會後生效，並出任資深顧問。周五個半小時業績答問會上，超人成為金句王，在此節錄部分精句。
談公司「一年只係拎5,000蚊，我相信我最初時，時時喺屋企請客、應酬，我一晚應酬已經使咗5,000蚊」「公司政策係為股東服務，係忠誠嘅，唔會佔股東便宜，呢個係我做人嘅原則」「對股東來講，我已經盡晒我嘅力」「我只能講，走資呢件事，置之一笑，連基本知識都冇！」
談政治
「總之我自己有票我有資格我一樣投畀佢（習近平）」「香港人對政治會有時要求大多，但有時應該compromise」
談樓市
「當然可能未來利息會加上去，但係我睇唔出會加到離離譜譜，唔會！你話加，2%至3%已經不得了㗎喇」「如果冇樓唔同你結婚，如果有咁嘅諗法，如果我做男呢，我會同佢（女仔）講，你趁家後生，你快啲搵第二個！」
談自己
「你呢個問題（同周凱旋結婚），你估我會唔會答你呀，你邊間呀，我想認識你啫，《蘋果日報》喎……我冇嘢講呀」「我講真話，會得罪好多朋友，但我講假話我點解要出（自傳），我又唔想講假話」
資料來源：長和記者會
長和系四公司罕有定於周五（今日）公佈業績，全城估估吓主席李嘉誠是否宣佈退休，現在與大家重溫李嘉誠多年金句，有流傳至今時今日嘅勁hit爆bite，亦有當年今日仍值得回味的至理名言。
「呢個地盤我啱啱去咗幾個鐘，我好少去嘅，我見到堆填區嗰邊，個綠色真係靚，心曠神怡！」（2009年中期業績，談日出康城）
「黃台之瓜，何堪再摘」（2016年引用唐代「章懷太子」李賢的詩句，表達香港政局看法）
「我由12歲full time，我差唔多工作咗超過100年」（2016年業績）「太細，個心都唔舒服」（2017年周年晚宴，談劏房）
「民望緊要，同中央合作得好都好緊要！其實今日都唔知結果會點發生，但有個神話『女媧補天』...... 好多時都係人為㗎姐!（2017年業績，談選特首）
「我愛香港，我愛自己國家，絕對唔會撤資」（2012年業績）「遲早有一日會爆，太多人做地產」（2017年周年晚宴）
至理名言
「不義而富且貴，於我如浮雲」（2001年引述論語，談財富看法）
「如果驕傲嘅心一直都有的話，遲早一定撞板」（1998年《傑出華人系列》）
「你睇嚟非常蝕抵嘅事，往往變成非常着數」（1998年《傑出華人系列》）
「逆境嘅時候，你要問自己條件夠唔夠，我認為我夠，因為我勤力、節儉、有毅力、肯求知、肯建立一個信譽」（1998年《傑出華人系列》）
「有錢你唔係一定快樂，唔係百分之一百，但世界好多事無錢你做唔到。」（2016年彭博訪問）「君子愛財取之有道，我亦用之有道」（2010年業績）
「如果話李嘉誠有幾分鐘時間同你傾人生，究竟行邊條路，相信我charge你幾多錢，你都會願意同我傾偈」（2011年業績）
家庭篇
「Richard（李澤楷）已經40歲，就算係14歲，都好難過問。」（2006年中期業績）「剛才邊個問我結婚嘅事？其實係我personal嘅事情，冇理由要答覆你。或者有一日我change my mind……」（2006年業績記者會）
財富篇「我唔重視呢個首富名稱，外國雜誌講我個人財產，至少有十年講少咗一半」（2013年業績）「話我係全球十大富豪，我內心真係冇乜波動」（2006年業績記者會）
No comments:
Post a Comment