做人無自信，好難會成功。最閉無自信嘅人好鍾意胡思亂想，有外國心理學專欄指出，無自信嘅人最常亂諗嘅事，有以下5項：
情況1：當有人提出意見，覺得對方既然已諗好一切，應該唔會接受其他諗法。
專家話，對方對提出嘅方案有信心，心態上處於相對安全狀況，呢啲時間佢哋反而持開放態度，可能想聽到更多新鮮睇法。
情況2：本來關係唔錯嘅同事，突然對你好冷淡，以為對方唔在乎自己。
專家話，態度突變或因對方有事，感到好大壓力又有啲尷尬，通常咁會選擇迴避。而最大問題係，無自信嘅人會覺得一切都係自己問題，獨自攬晒啲痛苦上身，想像一下都覺難受。
情況3：突然有新想法，要其他人需要配合你而作出改變，因而有內疚感。
專家話，做人需認清事實，猜度別人想法係一件好難嘅任務。凡事遇到困難，應該勇敢提出，雖有可能影響到其他人，但亦有可能幫到對方嘅忙，成就更好結果。
情況4：感覺糾正錯誤係一件艱鉅任務。
專家話，就算只改善了問題嘅1%，亦可能會產生很大影響，只需提起少少勇氣、努力和犧牲便行。但要小心，糾正錯誤態度都好睇對象。本身關係好，出事都係小事；關係唔好，小事都嘈到變大事。
情況5：以為其他人都知你知道甚麼，唔使多作解釋。
專家話，呢種人乜都收埋係心底，即係代表同其他人無溝通過咁。就算唔係100%確定嘅事，互相有商有量，彼此先知對方想要咩，做得更盡善盡美。
No comments:
Post a Comment