好多去日本旅行嘅朋友，近幾年都會選擇入住Airbnb，主要因為一個字：平。
不過最近日本Airbnb 因為受到政府打壓，好多時都臨時cut booking ，加上近年Airbnb
質素愈來愈差，小編本人無咩事都絕對唔會住Airbnb。不過作為日本留學生，身邊好多同學嘅Part
time都係做執房，聽佢地講房東或負責人本身都好多guideline，聽完之後，你會覺得日本人絕對無你想像中咁老實！
1. 床單、披單唔係日日換
以一般酒店準則來講，床單被單呢啲應該係每日都要換，咁先可以維持到衛生同清潔程度，不過有部份嘅民宿並唔係日日換，有朋友說話「負責人叫的地兩星期先換一次，又或者同一個客人嘅話只係折返張被就算，地板都唔洗日日抹」。
2. 多用途毛巾
「負責人叫我地洗完廁所或浴缸，直接用浴室毛巾抹乾淨，然後拎去洗衣機同床單一齊洗」所以勸大家帶返自己毛巾最穩陣。
3. 二手家具
好多時負責人為咗慳錢，房內嘅用品可能會買二手貨，加上本身日本好多二手店，無論熱水壷、微波爐，通通都可以搵到，不過有幾污穢就無人知啦 。
4. 民宿主人不是房東？
唔好以為租Airbnb俾你嘅人一定係屋主，其實佢地好可能唔係房東而係租返來做民宿，自己根本唔係業主，「出門口如果見到房東，我只能話自己係租客！」
No comments:
Post a Comment