返工着咩色都係學問？

https://heawork.19ga.hk/2017050819000/

辦公室入面，總有唔少人信風水命理，就連着咩色衫返工都要睇過通勝。但原來，着乜色呢家嘢，真係有研究支持。

1. 藍色：係增加生產力最好的顏色之一，因為佢係一種穩定又平靜的顏色，有效幫助打工仔專心手頭上工作，所以有唔少辦公室的間格都係用藍色做主調。着衫當然係同一道理，如果着寶藍色，grand得來沉實，但又不失醒目。
2. 紅色：如果你份工好悶，又冇乜嘢做，咁穿紅色就最好不過，因為紅色可以加快呼吸及心跳、提高血壓，令打工仔不知不覺有時間過得較快的錯覺，提升速度。仲有，紅色還有增加食慾的效果，所以亦適合在餐廳使用。
3. 黃色：令人感到積極，可以強化專注力，仲可以刺激創意。如果你份工同靈感創意息息相關，有時穿黃色都會令人幾醒神。不過要小心的是，因黃色的亮度太高，容易令人眼睛疲倦，所以最好都你搵灰色或其他沉色搭配一下。
4. 白 色：白色一向都係OL特別中意的顏色，除了因為易襯色，其實仲可以激發樂觀態度，自然令人積極行事。
5. 灰色：可以話係上班大忌，除了因為唔起眼，亦給人被動、無生機、事不關己的感覺。但辦公室入面，好多男同事都好中意灰色西裝，但記得如果要着，都要搭配明亮配件，好似鮮色少少的領呔，先可以抵銷負面效果。
6. 黑色：令人看起來「有攻擊性」，過去亦研究統計，同一支曲棍球隊在穿黑色球衣時，因攻擊對方隊員而被處罰的次數，比穿白色球衣時高出許多。

如果係真，今日Blue Monday，想時間過得快的，應該揀番套紅色先出門！

綜合資料來源：www.entrepreneur.com、www.odesk.com、moredays.com、www.getdigsy.com、www.huffingtonpost.com