守時係美德，相信大家細細個就已經咁被人教導啦。時間，雖然人人都一樣係咁多，但原來世界各地嘅人對時間嘅觀念就非常唔同，以致唔同國家對於「遲到」呢種行為嘅容忍度都大大唔同。外國網站MrGamez就向15個國家嘅人做咗一個調查，發展唔同國家嘅人對守時嘅觀念有咩分別。
15個國家之中，馬來西亞人係最會體諒人遲到，當你話會遲到5分鐘，對方係可以容忍你最後遲成60分鐘！即係話如果你喺60分鐘內到達的話，仍然唔算係「遲到」。另外兩個比較寬容嘅國家就係墨西哥同沙地阿拉伯，兩國嘅人都容許人哋遲到30分鐘以內；中國就只有10分鐘。至於最唔可以接受遲到嘅，就好自然係日本、韓國啦，只要遲1分鐘，對方已經認定係「遲到」，需要道歉架！（道歉時。。。。。。是常識吧！）
至於15個國家之中其中一個比較有趣嘅發現係巴西，可以話完全唔知應該點歸納，因為巴西人眼中，係無任何「約定時間」，即係話根本連「遲到」呢件事都唔存本，嘩，真係好Free ride呀！
No comments:
Post a Comment