10個各國文化差異 俾貼士=侮辱

https://hk.travel.yahoo.net/post/content/130064615525-yahootravelhk

所謂各處鄉村各處例，好似日本咁，又出書又出告示都係想話比人知己國禮儀，以教育方式希望各國旅客入鄉隨俗。事實上，各國都有你意想不到嘅習慣，正如你去到內地可以大小二便一樣，所以下面就舉咗唔少例子，出發前記得睇清楚啦。



1. 南韓同日本，俾貼士會被視為一種侮辱，令佢地覺得要有額外嘅錢先會將份內事做好。

2. 係澳洲、紐西蘭、蘇格蘭、荷蘭呢幾個地方坐的士要坐前座，唔係人地會覺得你好自大、睇唔起人。（但後座真係坐得舒服D喎。）

3. 係中東、南美、俄羅斯、希臘俾Like手勢，就等如舉中指一樣。（咁如果真係舉中指呢？）

4. 係德國，即使遲到幾分鐘已經係非常之唔禮貌 。（啱丫，你嘅時間係時間，唔通我嘅時間就唔係時間啦咩，呢個國際通用架啦！）

5. 大部份歐洲國家，收到禮物時要等送禮人唔係到先可以打開。（都啱丫，如果唔鍾意都唔會俾對方見到我藐咀麻。）

6. 在中國、菲律賓、泰國同俄羅斯作客時，唔可以食曬全部餸，唔係會顯得主人家好小器，無準備足夠野你食。（原來偉大嘅祖國有咁嘅習俗架咩？點解無聽過）

7. 係亞洲國家作客，唔可以自行開主人家個雪櫃，因為都係好唔禮貌。（其實無論去到邊都唔應該亂搞人地嘅野囉。）

8. 係日本同中國，收禮物要推辭好幾次先可以收下。（即係同埋單一樣姐，推咩丫搞咁多大龍鳳。）

9. 係中東，拒絕人地俾你嘅食物係好唔禮貌。（但如果請我食牛歡喜咁點算⋯⋯）

10. 係中國、沙地阿拉伯、法國、土耳其同日本嘅公眾場合包雲吞係好噁心嘅舉動。（但國內嘅同胞成日都放飛劍又點計先？）