https://hktravelnow.yahoo.com/
講野勁大聲
我地成日都會笑有啲遊客講野大聲又嘈好低俗粗魯咁，但係咁平靜嘅日本人眼中，香港人其實都係咁，仲哈哈哈咁笑到周圍都聽到添。
行路一支箭
香港人行路速度出哂名快，而且為咗趕少少時間會係人群中左穿右插。呢類習慣係改唔到嘅，去到第二個地方都係一樣，迫黎迫去又可能撞到人同拖哂大喼嘅大媽有咩分別？
邊行邊食
可能香港人有掃街嘅習慣，買完野食後會一路行一路食，覺得係好平常不過嘅事，但日本人係絕對唔會咁做，於是又將香港人同冇禮貌既遊客撈埋一齊。
搭車爭位坐
香港人最怕就係蝕底，咩都要爭一餐先連搭車搵位坐都一樣。車門一開，就好似跑馬開閘咁衝埋去搵位坐，甚至幫朋友搵埋位，唔好話係日本人眼中，其實望番自己人都會有咁嘅感覺啦。
排隊插入黎
我地排隊點會淨係顧住自己，更係會幫埋身邊朋友啦，所以有朋友遲黎或者行開咗嘅話，就會自動攝入黎，但係日本人眼中同打尖無咩分別，佢地會情願一齊排過。
No comments:
Post a Comment