機場免稅店內 5種必買商品

機場消費一向貴，食個飯、買支水比市區貴2-3倍，十個有九個旅客都只係迫不得已先會消費。但其實機場免稅店唔係樣樣野都貴架，就好似日本100yen店一樣，唔係樣樣平，只要你識揀，買得醒目，一樣執到平野！最近外國網站aol.com列出5種值得係免稅店買嘅商品，以後去機場唔洗驚白等啦！

酒
去旅行買酒要俾煙酒税，而係機場買就免稅。所以，機場嘅酒比岀面平25-50%不等，所以台灣同日本機場，特別多人搶威士忌。

煙
同酒一樣，平時買係要俾埋煙酒税，但係機場無論買雪茄定咩牌子嘅煙草都係平啲嘅，煙民應該好清楚。

護膚品
女士們旅行時多係機場免稅商店購買護膚品，因為有啲貨品係可以平到差唔多半價，但要小心，如果機場免稅店無貨，就要下次先有得再買啦！

化妝品
女士們亦唔可以錯過化妝品！因為佢同護膚品一樣，有時候會有大減價！

雜誌
雖然雜誌平嘅程度冇護膚品果啲咁高，價錢同岀面都有時係差吾多，但就適合俾你係飛機上打發時間，所以都係物超所值。