2015-09-28

減輕狼狽!落雨必讀7大小貼士 TEXT: 韋寶

https://member.cosmogirl.com.hk/

人越大,就越怕落雨,尤其係返到公司個人濕立立嘅時候真係好唔舒服,所以CG!就為大家送上7大落雨小貼士,等大家喺rainy days無咁狼狽呀!
1.
帶備透明膠袋喺身,如果真係好大雨嘅時候,可以用佢笠住手袋同鞋,咁就包保唔會整濕佢哋。又或者,直接笠好先出門口,咁就萬無一失。
2.
如果唔想用透明膠袋,就可以平時準備定一對拖鞋同一對襪喺公司,咁就唔使拍焗住對腳啦。

3. 唔係每間公司都俾員工著拖鞋,所以你不妨調返轉,著拖鞋返工,然後返到去先換返鞋。

4. 小編發現最易成身濕晒,就係無留意到附近有水氹。結果,雖然身在行人路,但架車一駛過,就會被濺起嘅水搞到成身濕晒……所以,記得留意行車路嘅狀況,包括有無水氹、有無車駛緊埋嚟,如果避唔切就即時開遮喇!

5. 盡量避免著焗身嘅衣料,例如牛仔褲同leggings,因為濕咗焗住會好唔舒服呀!如果情況許可嘅,就著半截裙或者短褲,就算濕咗,抹返乾就得嘛!

6. 使用防水嘅化妝品,咁就可以避免個妝甩晒啦!萬一個妝真係甩咗點算?可以參考「眼妝甩到變熊貓眼,點算?」,以及「夏天必讀!不溶妝秘技大公開」啊!

7. 小編知道好多人嫌麻煩,只會帶縮骨遮出街,但落雨天帶長遮,尤其係大把嗰種,其實真係可以減低濕嘅機會架,以小編為例,落雨一定帶海港城嘅長遮出街,佢夠大把又實淨,好多時都係隻腳濕少少,個身都無咩事架!

除咗上述小貼士,送多篇「落雨擔遮的自私行為!」俾大家,記得注意入面嘅事項,做個有公德心嘅CG!啊!^^

No comments:

Post a Comment

Search This Blog

About Me

A tiny dust in the universe.