2016-12-03

感激劉華接濟過活 張頴康 ︰冇華哥冇我!

https://hk.celebrity.yahoo.com/

上周六(26日)舉行的《TVB馬來西亞星光薈萃頒獎典禮2016》,出道16年的 張頴康 勇奪飛躍進步男藝員獎,從未獲獎受認同的阿康在台上激動爆喊,對太太麥雅緻的愛的宣言更是賺人熱淚!更難得的是,張穎康係個飲水思源的人,對於有今日的成績,佢向本刊記者說:「冇華哥就冇我!真係好感激佢。」所指的華哥,就係當年發掘佢的劉德華!

 馬國奪獎 淚眼多謝太太

當晚在大馬首次上台攞獎,張頴康的激動令全場觀眾為之感動,一上到台眼淚已經奪眶而出,致辭時更多次哽咽:「十六年啦!我咁多年都有得睇冇得去頒獎禮,今年係第一年嚟!多謝無綫高層同馬國嘅觀眾。」之後開始講自己的故事,張頴康稱自己多年前需要錢成家立室,所以轉行做一個中港兩邊走的文員,點知一天發生車禍,佢就回想自己多年連配角都未做過,好唔甘心,於是決心重返無綫!
太太麥雅緻知道後,只是簡單講了一句︰「你繼續發你嘅夢啦,錢唔好再諗,屋企由我嚟頂!」太太咁支持自己,張頴康在台上高呼「多謝老婆!老婆我愛你!我永遠愛你!」不單台下的呂慧儀及滕麗名感動落淚,唔少觀眾都睇到眼濕濕!

劉德華帶入行

除了太太麥雅緻精神與經濟上的支持,當年一手帶張頴康入行的劉華功不可沒!01年的復活節,準備升讀中六的張穎康機緣際會下認識了劉華,適逢其經理人公司天中娛樂成立,想發掘一些新人,對跳舞打功夫甚有興趣的張穎康因而被劉華賞識,加入公司成為新人,被安排受訓兩年才正式出道。

張穎康雖毫無演藝工作經驗,不過受訓期間一樣有糧出,而且獲劉華安排拍攝第一部電影《給他們一個機會》。後來劉華安排張頴康入讀無綫訓練班,當時訓練班每個月人工得幾千蚊,於是劉華每月為張頴康提供五位數字生活費,咁好的老闆去邊度搵?

所以張頴康接受本刊記者訪問時,直言感激劉華︰「冇華哥就冇我!真係好感激佢。係佢帶我入行,冇佢我唔會入到無綫,亦唔會識到我老婆。」

不忘多謝珍姐

除了當年伯樂劉華,張頴康亦不忘多謝一直眷顧自己的無綫高層曾勵珍,因為對方自訓練班期間,十年來一直很照顧自己,給予自己很多機會;另外對太太麥雅緻亦是照顧有加︰「所以我一定要親口同佢講聲多謝。」娛樂圈中懂得飲水思源的人實在不多,張穎康得到認同,可算實至名歸!

小故事反思:

真情流露
感恩
默默努力
堅持
夫妻互相扶持

No comments:

Post a Comment

Search This Blog

About Me

A tiny dust in the universe.