活出真我！7招做個低成本女人

https://member.cosmogirl.com.hk/inner-girl/life-tips/low-cost-life-tips/page/0/1

喺香港，做女人嘅成本太高。
每日都有唔同媒體提醒各位女性，要做個有魅力嘅女人必需要著靚衫、要做好皮膚護理、要識得化妝技巧、要豐胸、要增值、要進修、要入得廚房……
樣樣都要花一大筆金錢同時間，最終能修成正果嘅又有幾多人？
低成本做女人又如何？ 你能夠喺呢個世界入面越係發自內心地生活，你嘅附加成本就越低，亦都唔需要為別人過多地改變自己。

到底點先可以做到？可從以下7件事著手：
1. 不論身材好唔好，都敢著無加墊嘅胸圍，因為身體係自己嘅，自己鍾意就得啦！

2. 無需要時唔好化妝，微笑就係最好嘅化妝品。


3. 以內養外，食大量水果青菜，簡單清清淡淡，好過每日飲支collagen。

4. 多著純棉同麻質衣服，舒服自然就最好！

5. 頭髮唔染唔燙亦唔搞任何造型，打理頭髮幾乎唔使花錢，只用一把好嘅梳就可以。（當然都要有style啦）

6. 唔一定要健身跳舞練瑜伽，每日堅持曬曬太陽多走路，就係極好嘅鍛煉。

7. 屬於咩年齡就做咩年齡嘅事，該拍拖就拍拖，該結婚就結婚，該拼搏就拼搏，唔好為咗某一件事而放棄該做 / 想做嘅事。