2015-05-25

【一句到微】淡化公關色彩的MintLife(嚴啟明)

https://hk.finance.yahoo.com/news

上次同大家介紹過好hit嘅「內容行銷」係乜野東東,今次我會藉一個成功案例,等大家一齊感受佢嘅威力!

故 事主角係一間叫Mint嘅個人網上銀行,佢嘅競爭對手係大家都熟悉嘅美國、花旗、匯豐等國際級及美加本土的地區銀行。佢由2006年成立到今,不費一分一 毫直接俾錢媒體,亦完全唔賣傳統廣告。單單依靠在互聯網推行「內容營銷」,Mint就輕鬆可以吸引超過1,700萬個用戶。究竟當中有咩野乾坤?

其實,Mint除咗有本身嘅網上銀行,仲設立一個叫MintLife嘅blog。呢個blog專門為年輕的專業人士而設,入面內容極為豐富,有好多唔同欄目。當中包括,日常生活消費、財政規劃、金融投資、住屋以至信貸債務等領域的理財資訊等等。

睇 落內容同報紙財經版分別唔大,但MintLife特登邀請咗唔少知名財經blogger定期寫post,代價係贊助呢班blogger網誌上做些廣告(所 以其實都有間接使錢在網上)。當MintLife受眾群成熟嘅時候,Mint就開始邀請訂閱者試用beta版嘅獨家理財產品,總結經驗後就推銷各式各樣自 家金融產品。

讀者可能會話MintLife係blog而已,可以對企業產品本身嘅銷路有幾大幫助?幫助就大啦。MintLife作為 Mint內容營銷嘅核心,有唔少blog post同資訊圖表被Reddit同Digg呢類社交新聞網站轉載。MintLife嘅出現,令訂戶人數以每星期一萬人嘅驚人速度增長!

總括嚟講,MintLife透過具相關性嘅「軟嘢」,唔單止為受眾提供具價值嘅內容,大大淡化了公關色彩。呢個內容營銷策略令向更多目標受眾進行品牌傳播,拉動自己產品嘅需求。

MintLife跑出一條未有先例嘅網絡財經新路,係一個非常成功嘅例子,絕對藉得各位讀者參考!試問又有邊間中小企唔想「本小利大」就能取得用戶呢?如果各位覺得有用,不妨多留意此個案。

嚴啟明(網誌kmyim.com)—Write4U網上創意寫作平台始創人,現為《信報》及《星島日報》撰寫案例專欄。

http://blog.mint.com/ 
http://kmyim.com/ 

No comments:

Post a Comment

Search This Blog

About Me

A tiny dust in the universe.