2016-09-16

你不知道的日本10大冷知識


日 本人係一個好有秩序的民族,有好多禁忌都係外國人唔明白的。坊間都有唔少文章提旅客要入鄉隨俗,好似公眾交通工具唔準講電話、唔可以比Tips,而京都更 多番圖文並茂地列出本地禁忌,好似唔準同藝妓影相、唔準放餐廳飛機等等,種種規矩你又知幾多?最近,網上有人分享了日本10個較鮮為人知的的冷知識,好似 穿和服時不穿內褲,迪士尼的員工不會跟遊客說歡迎光臨,因為驚遊客唔識應你,細心得來,又非常突顯日本的智慧,一齊睇下啦!

1. 穿和服唔著底底
傳統日本女生穿和服時不穿內褲,聲稱因為和服已經夠厚,根本唔洗著多條。不過現在有些人會穿,更有和服專用底底出現。

2. 女生離婚半年才可再嫁
呢個小編聽過,男生離婚後可以馬上結婚,但女生要等半年以上,因為怕懷有前夫的孩子,近年有人認為民法違憲,引起紛爭。

3. 女生16歲可結婚
香港男女都要18歲先可以結婚,而日本男女比較早婚,男生18歲、女生16歲可以結婚,所以街上好多年輕媽媽。

4. 扶手電梯企邊邊?
東京人企係扶手電梯左側,把右邊留給趕時間的人,而大阪則相反,跟香港一樣企係扶手電梯右邊。

5. 早餐擺位有規定
日式早餐碟頭多多,原來擺位都非常講究,米飯放係左邊、麵豉湯放在右邊。

6. Hello Kitty無側面、小新無正面
Hello Kitty無側面、蠟筆小新沒有正面,點解?呢個完全解釋唔到,你問作者啦!

7. 1號睇戲有著數
電影成人票價格大約1800日圓(約港幣$135),不過大部分電影院每周三時,女生看電影只要1100日圓(約港幣$83),而每月1號係電影日,票價一律1100日圓,划算得多。

8. 和尚可結婚工作
邊個話和尚唔可以結婚工作?日本和尚可以結婚,也可以去找其他工作,自由度真係好高呀!

9. 迪士尼員工唔講「歡迎光臨」
東京迪士尼員工唔會同你講「歡迎光臨」,只會說「你好」,因為講歡迎光臨會怕遊客無從回覆,其實即使員工講咗「你好」,旅客頂多都係回返句「你好」,唔通問你食咗飯未咩?

10. 唔可以夾同一條菜
兩個人的筷子不可以夾同一塊菜,因為喪禮中撿骨頭時就是用筷子夾骨頭傳給下一個人,等我仲以為怕「食埋同一條菜」。

No comments:

Post a Comment

Search This Blog

About Me

A tiny dust in the universe.