2016-09-29

裝修佬話你知:8樣裝修預算無得慳!

家居裝修係個無底深淵,幾多錢都塞得入,現時搵食艱難,當然係慳得就慳。
但喺慳嘅基礎上面,都要保證裝修質量,以免慳得一時而因小失大,影響日後正常使用就唔好啦。
所以,為咗保證優質生活質量,有啲裝修預算係無得慳。以下裝修佬分享俾大家知邊8樣裝修浴室無得慳!
 
水電改造 
水路同電路都收埋係見唔到嘅地方(例如入牆),難裝難拆。有啲二手樓嘅材料一般都會達到驗收標準,所以唔一定要電線、水喉全拆。但為了水龍頭出水量夠大,可以考慮將主水喉加粗。
 

防水
廁所防水材料無得慳,沐浴牆防水高至少要做到6尺高。油防水油漆之前要把牆面同地面處理好,凹凸地方鋪平。廁所整體牆面做防水嘅底線係地面三層,牆面油兩層,即每次薄薄油一層,乾透再油下一層,一層都不能少。過門石、地漏、水喉、樓板空隙、馬桶喉周邊要刷多幾次防水油漆,呢啲地方最容易漏水。 
 
牆面 
牆面同地面係成個屋企最容易成日見到嘅部分,如果牆面同地面唔鋪平整,再好嘅瓷磚、牆紙、油漆遲早都會裂開,所以一定鋪平牆面同地面。牆紙鋪係牆上效果確實比油漆好,但無論係買邊種牆紙,牆紙膠一定要買優質嘅,絕對唔可以買劣質牆紙膠,劣質牆紙膠甲醛多。 
 
常用物件 
地漏、頂燈係廁所中常用但唔引人注意嘅物件。佢地質量好壞直接影響到大家日後正常生活。地漏揀得唔好容易引發去水唔順暢或去水返味,普通燈受潮後就唔著,所以燈一定要做防潮處理。 
 
五金配件 
五金配件雖然唔起眼,但卻係傢俱嘅重要角色,每件傢俱嘅使用壽命長久與否都係睇五金配件嘅好壞程度,所以喺購買傢俱時要留意五金配件質量。  
 
優質潔具 
潔具使用頻率高,安裝後亦好少換,所以購買潔具時質量一定要好。否則出現問題,唔單止修理麻煩,仲容易發生漏水、難清理、唔可以正常使用等情況。其中水龍頭及軟喉選擇格外重要,揀得不好就要經常更換。  
 
鋼化玻璃 
淋浴房、玻璃台盆等自爆傷人事件時有發生,主要關乎所用玻璃質量有很大關係。好嘅鋼化玻璃一般難以破碎,如果萬一破碎亦唔會傷人。所以為咗安全使用,千祈唔好貪價格實惠,儘量選擇優質產品。 
 
地面防滑 
廁所長期處於潮濕狀態,鋪普通瓷磚會容易跌親,特別係長者、小朋友嘅家庭更要留意呢個問題。廁所地面材料一定要注意防滑性,雖然價錢會貴少少,但換返來嘅係屋企人使用時嘅安全同健康。
 

No comments:

Post a Comment

Search This Blog

About Me

A tiny dust in the universe.